JODOH NASO PASUO

Marbalos pantun

Judul : JODOH NASO PASUO

Cip : Zainuddin

Keterngan : Warna merah laki – laki Warna hitam perempuan

            Ligima indu uting namarbolang – bolang

Manjalai monci nakaluar dipotangi

Hancitna baya sapaninggalkon niboru – tulang

Nakehe marbagas tuhalak namaradongi

Uambang sitabar rupana pisang siolot

Natabo dipangan laos mangidup

Uambang baya anak namboro nasogiot

Mabiar au dagang Saumur hidup

Asodo nacapotan raso nipisang siolot

Apalagi nadapot diaek atia mayup

Diamantong baya iba inda giot

Harani materi dopena inda cukup

Anggo nighalak namanisan salak sibakkuaon

Tai aso namacoman topet nadiau

Anggo materi nada  adong uparsalahkon

Habiaranku gandakmu nabahat sian au

Burangir anggi donganna timbakao

Timbako sannari namaol dijalaki

Bahatpe anggi gandakku sianko

Ho sajodo anggi nadirohakki

Timbako abang dibagasan goni

Naget obanon tu poken maga

Ulang abang dokon songoni

Cuman manamba hancit nadiroha

Sugari bisa au ke tupadang

Angkan nauligima anggi jam gadang

Sugari bisa uulakai tubalakang

Angkon hodo anggi dongan matobang

Nada adong abang uida siri – siri

Apalagi siri- siri namarterbangan

Nada adong abang tampang nisugari

Natarjadi ita jadion pangajaran

Pula keheho abang tujakarta

Ulang lupa oban kecap asin

Muda abang adong jodoha

Ita anggakan marsuo di ari nalain